ORGGUIN TRÍ MAC DIARMATA MIC CERBAILL (The stories about Maelodrán)

Author: [unknown]

p.48

ORGGUIN TRÍ MAC Diarmata MIC CERBAILL

LA MAELODRÁN I FOTHAUCH MUILINN MIC DÍMMAE

868] Do-lotar meic Diarmata meic Fergusa Cearrbeoil fechtus
869] n-aili hi tír Laigen for creich conas táraigh Maelodrán hua
870] Díma Chróin. Do-ratsat meic Diarmata con rubatar, uair dia
871] cois ro boí, uair ní tárraid a gabair ó deoraid (.i. ón gilla).
872] Luid-side didiu for in n-gabar dia tárachtain-seom. Ro reith in
873] gabar fon sluagh co rubad in gilla. Do-scind dano in gabar fo
874] gairm Maelodrán, conid ro gab a taeb friss iar fácbáil in gilla.
875] Gabthi dano Maelodrán for a gabur & cotn-amaisc ar in sluag
876] & do-beir tofonn foraib. Ro ráthatar meicc Diarmata riam
877] dochum in muilind co n-dechatar co m-bátar im carr in muilinn
878] isin fothigh. Do-luid chucu iarson fothigh. Ro boí caillech ic
879] blith isin mulend. Ad-raí a n-guin la toescad in muilinn.
880] Léc aire, a chaillech, léc aire! ar Maelodrán.

881] Dos comart trá uman mol, ar bátar occai ind fir, co torchratar
882] leis trí meic rígh Hérenn .i. trí meic Diarmata, dia
883] n-ebairt Ultán:

1. 884] A muilinn
885] ro milt anba di thuirinn;
886] níba comelt for serbainn
887] a ro milt for uíbh Cerbaill.

-----

p.49

888] In grán meles in muilend
889] ní corca acht dergthuirend;
890] ba do géscaib in crainn máir
891] fotha muilind Maelodráin.

892] Do-luid Diarmait fessin fecht n-aili do dígail a macc for
893] Laidinu, cu m-boí ic Loch Gabur co feraib Éirenn imbi. Ocus
894] at-rub(air)airt do-bérad slán fri Laidinu ar Moelodrán do
895] tidlacan dó i n-giallcertai. As-bertatar Laigin amal bidh a
896] h-aengen ná tidnastis ce no marbdaiss. No bíth Maelodrán coa
897] m-brostad dia tignaccal.

898] Menum thucaid-se ragh-sa m'oenar & ní bia slán dúib-si
899] dom chinn-sa.

900] Ba fír ón. Luig-sium co m-boí issint sluagh for brú Innsi
901] Locho Gabur. Lottur in ríg do ól co mbátar issin innsi.
902] Anaid-sium chaidthi forsin phurt. Antar dono don immramh.
903] Téit-sium issin lestar & luid-sium issin n-innsi. Con-tolat in
904] rígh. Boí-sium fri dorus in rígtighe.Luid dano Diarmait amach
905] oenar do dhul for aínsuide cen fis do neoch, co comarnaicc
906] fri Moelodrán i n-ddorus ind tighi.

907] Toboing dlaí lat dam, ar Diarmait.
908] Tó immorro, ar Moelodrán.
909] Do-beir téora dlaii doo: dloí di úrnenaigh, & dlaí do fomthonn
910] & dlaí do athrathai luaid.
911] Ac so at láim mo cloigem, ar Diarmoit. Ro n-gab Maelodrán.

-----

p.50

912] Fé frit, a gilla, ar Diarmait, rom goin dlaí, rom loisc dlaí,
913] rom tesc dlaí. Amai, a gilla, cia h'ainm-siu?
914] Ním ragbais fri baithis samlaid in tan (ní)nád aithgén mo
915] ainm. Nó in fuil ainm n-aile lat dam and ná ráithfi? Maelodrán
916] ua Díma Chróin sund, di Scorbraige Lagen, iar marbad do mac
917] & do béin do cind dít fesin ind-or-so—la gabáil a cind chucai.
918] Do riar duit, a Maelodráin, ar Diarmait.
919] Do riar-sa uaim-si dano, ar Maelodrán.
920] Tiagait dib línaib iar córa issin tech.
921] Tair-siu edrum & crann, a Maelodráin, ar Diarmait.

922] Amail do-chuaid Maelodrán issin n-imdaid, ro gési a brú
923] na mná .i. Mugain ingen Chonchraid máthair chlainne Diarmata.
924]

925] Fé amai, ar in ben, cid erchóit do-taed issin n-imdaid?
926] Fear do-rat ríghi duit-siu, a bhen, ar Diarmait, .i. Maelodrán
927] hua Díma Chróin.
928] Maith in loech, ar in ben, atta-chualumar. Cóir gním dó
929] nárot geogna a m-baegal & rot anacht. Ro mbia-som lógh in
930] anacail, ar is ferr in-dás in guin.
931] Cid do-génam di sund? ar Diarmait, ar níro ansem in fer ar
932] in sluag.
933] Ní ansa, ar si-si. Celtair Maelodrán; con-gairther iarum ar
934] ríg & ar ruirigh ar aenaib chuconn, ocus nascar foesam Moelodráin
935] forru amal bid chuconn dáladh.

936] Do-gníther, cu m-bátar a láma uile taris resiu matain beth.
937] Is amalaid dono do-cuaid-sium cu Laigniu ar a bárach ocus
938] deceelt chorcra corrtarach Diarmata co n-delg óir acus a dí
939] gabair cona n-allaib & a mullán óir derc araib sechtar. Cor immorro
940] & faesam ríg Hérenn .i. Diarmata mic Fergusa Cearrbeoil

-----

p.51

941] fair-sium. Ocus as é ba cathmílid & ba tuairgnid catha la
942] Diarmait ó sin. Finit.

943] AIDED MAELODRÁIN

944] Loích ro bátar do Laignib .i. Mac Connaid & Marrcán &
945] Maelodrán. Is de ro chét:

1. 946] Ní thaet didiu de
947] in cocad fri h-Ossairge,
948] cen Mac Connaid for eoch án,
949] cen Marccán, cen Maelodrán.
2. 950] Maelodrán ua Dimmae Chróin
951] ro bí in fer isind móin;
952] túirid na cholaind aile
953] nícon rubae oenguine.

954] Comaithig immorro do Maelodrán Huí Máil ocus ba h-olc
955] immorro a chomaithcess doib. Is de ro chét:

1. 956] Huí Máil
957] trícha cét ba hed a lín;
958] nocon fárgaib Maelodrán
959] acht trí nónburu díb.

960] A n-as-rubart fodesin:

1. 961] Is cumma lim-sa huí Máil
962] ocus muilenn oc blith gráin;
963] it fáilte huí Máil fria nguin
964] is cóir cach bró fria tuarcain.

965] Athechda rí hua Máil immorro. Do-fuc Maelodrán a ingin.
966] Luid-si didiu fecht do thig a hathar do chomfis a m-máthar
967] bae i n-galur. Ro aslacht a h-athair fuirri-se brathtecosc a fir dó.

-----

p.52

968] Maith, ar in ben, fil mo dáil-se fris i-nnocht. Acht a-taat
969] teora h-uarbotha lais ocus ní fetar-sa ciasu adba díb i fifa i-nnocht,

970] acht ro-fetar-sa a n-as maith duib. Tucthar lib lán mo
971] chlera-sa do thenid sinnaig ocus at-bér-sa is é m'étach-sa fil
972] ann ocus biat-sa ina diaid et láifet-sa in tenid im diaid, & toít-si
973] iarmo slicht.

974] Ba fír ón. Tiagait co m-bátar immun n-uarboith. Con-gairet
975] fair.
976] Innat-fail tall, a Maelodráin?
977] Cosmail mo bith, ar Maelodrán, ocus ná marbaid for siair.
978] Nos léicebh chucaib.
979] Mo chen di, ar ind óic.

980] La sodain lomraid a c(h)ennchongraim na m-mná & do-beir
981] immo chenn fesin & luid secco samlaid.
982] Robbar bia imned, ar ei-sseom, i-fecht-sa lim-sa. Mo ben-sa
983] & for n-ingen féin ro marbsaid.

984] Ocus ros fuabair coro lá a n-ár in tan sin. Do-gní iarum
985] Maelodrán & Aithechda córai dib línaib.

986] Fecht ann, bae Maelodrán ic fothrucud hi tich Aithechdai
987] ocus bae for menmain dó-side a marbad-som. (Ní bae dano
988] Dubchrón gilla Maelodráin ann in tan-sin.) Mus léc fer díb
989] aigen láin gríscha moa súili & moa aigid & clannaid Athechda a
990] gae fodessin ind (.i. in Charr Mailodráin) co m-baí triit conarro
991] marbsat samlaid. Benait iarom a chenn de & do-berar hé for a
992] dérgud & bratt dar a chenn. Do-rooig Dubchrón for Dubglais
993] .i. for a gabair-seom.
994] Tairling, a Dubchróin, ar cách.
995] Níthó, ar Dubchrón. Cate Maelodrán?
996] A-tá inna chotlud; sit, sit, ar nácha n-dúsca! Tairling & tair
997] sin tech.
998] Ní dóig limm a chotlud acht má beind-se coa aire. Gataid in
999] m-bratt dia aigid, ar se.

-----

p.53

1000] Gattair de.
1001] Fír, a Maelodráin, ar sé. & dixit:

1. 1002] Deithbir dond aigid cid bán
1003] cond-ránic fri faeburdán;
1004] imma-rulaid ilar lám
1005] in cenn fil for Maelodrán.

1006] Do-bert Athechda a mnaí-seom, ar ní ba hí h-ingen Athechdai
1007] ba ben do Maelodrán in tan ro marbad. A llá-sin hi cind
1008] bliadna bae Athechda for a dérgud & ro bae ic décsin na cairre
1009] ar a h-alchaill (.i. in charr Belaig Duirgen. Is í no marbad in
1010] tríchait m-buiden dia figran & dia aureil & dia liugu co lár, .i. no
1011] bíd isint sligid & gabul fo bráigit. Nach oen ar-thiagdais secce,
1012] meni fácbaitis ní lee, nos luaded demun & no linged foitheib co
1013] cuired a n-ár.)
1014] Bae Aithechda dano coa déiscin na cairri.
1015] Bliadain lán cosin laithe-se ó ro marbus-sa Maelodrán diit,
1016] a charr ucut.
1017] Fé amae, ar in ben, ní mu-taet ar do beolu. Dia n-díglad nech
1018] iarna écaib, méite combad Maelodrán bad dóchom dó i
1019] n-Hérind.

1020] La sodain commo-faccatar Maelodrán iarsind aurdrochut ina
1021] n-dochum.
1022] Iss e-seom són, ar in ben.
1023] At-raig Aithechda dochum in gae. Luaithiu con-ránic
1024] Maelodrán, conos tarat tria Aithechda conid ro marb de. Ic
1025] dul do i-mmach, is ann as-bert:

1. 1026] Imlech Ech,
1027] imma-réidmis ar cach leth;
1028] ce ron maídi nech ron bí
1029] nírbo dú do Aithechdai.

-----

p.54

1030] Ro adnacht-som didiu i n-Glind Dá Locha, dia n-ebrad:

1. 1031] Lige Maelodráin is glé
1032] i n-glind fri gaíthe cluä;
1033] lige Maic Connaid, ní chail,
1034] con linn i Tigh Mo Chuä.

APPENDIX A

[From E. iv. I, 85b (E), with readings from Rennes (R) and Book of
Ballymote 358b 3 (B)]

1035] Móin Gai Glais, canas ro h-ainmniged? Ní ansa. Glas mac
1036] Lainde Luaithe mic Logha Liamna, nia sin Fhiacha Sraiphtine;
1037] is dó sin do rinde in gaba in gaí do thecosc. Do luid a-ndes
1038] Cúldub mac Dein dia Samna do chuingi gona duine égin, guro
1039] goin Fidrad Dáime Duibe a quo Ard Fidraid. Luid Glas ina
1040] iarmóracht co tarlaic fair in t-sleg do-rónud dó tre druídecht, co
1041] n-dechaid tre Chúldub isin mónaig. Ní fríth int sleg iarum, acht
1042] aentuarascbáil fos-fuair Maelodrán mac Dimma Cróin dia
1043] n-geodna di Ethachda rí hua Máil iar m-beith Maelodráin
1044] bliadain i talmain, dia ro chan-sumh in rann-so:

1. 1045] Imlech ech
1046] im Móin da Ruad ar cach leth;
1047] ge ro maíde nech rot bí
1048] ní bo dú, a Ethachdai.

1049] Ba sí sin in Charr Belaig Durgein & is sí ro marb in .xxx.
1050] buiden. Amlaid no bíd & gabal fo bráigit & nís luaidhed nech
1051] acht deman. Hi céin bes int sleg sin fo dícleith & a rind bo des
1052] ní forbrisfiter for nert Leithe Cuind ó Laignib. Is dóib ro canad
1053] inso ...